අබු අර්ශද් ගේ ලිංග භේද ප්‍රෝඩාව | Abu Arshad’s sex differentiation hoax

අබු අර්ශද් දිගින් දිගටම කරන්නේ ප්‍රෝඩාව. අපි ඒ ගැන කලින් ලිපියකත් සඳහන් කලා. පහත් භූමිය කියන එක, පහත්ම භූමිය විදියට අර්ථ ගන්වලා එමගින් කුරාණය විද්‍යාත්මක බව පෙන්නන්න හදපු ප්‍රෝඩාව රාළ කලින් ලිපියකදී හෙලි කලා මතක ඇති. මෙදා පාර අපි හෙලි කරන්නේ අබු අර්ශද් ලියපු දරු කළලය හා ලිංග භේදය යන ලිපියේ එන ප්‍රෝඩාව ගැන.

මේ මුළු ලිපියම පාදක වෙන්නේ කුරාණයේ 76.002 වගන්තිය උඩ. 76.002 සුරාතය අර්ශද් අර්ථ දක්වන්නේ මේ විදියට. “මිශ්‍ර තරලයකින් මනුෂ්‍යයන් අපමය මවන ලද්දේ”. නමුත් කුරාණයේ පරිවර්තන හතරක ඉහත සුරාතය පෙන්නන්නේ මේ විදියට.

YUSUFALI: Verily We created Man from a drop of mingled sperm, in order to try him: So We gave him (the gifts), of Hearing and Sight.
PICKTHAL: Lo! We create man from a drop of thickened fluid to test him; so We make him hearing, knowing.
SHAKIR: Surely We have created man from a small life-germ uniting (itself): We mean to try him, so We have made him hearing, seeing. (source)
Indeed, We created man from a sperm-drop mixture that We may try him; and We made him hearing and seeing. (source)

අපි මුලින්ම බලමු යූසුෆ් අලි ගෙ පරිවර්තනය දිහා. (මේ පරිවර්තන වැරදී කියල අර්ශද් ට කියන්න බෑ. මොකද මොවුන් අරාබි භාෂාව පිළිබඳ උගතුන් නිසා. ඔවුන් වැරදියි කියල කියනව නම් අබු අර්ශද් තමන්ගේ අරාබි භාෂාව ගැන සුදුසුකම් ඔවුන්ට වඩා ඉහළ බව ඔප්පු කරලා පෙන්වන්න වෙනවා). මේ පරිවර්තනයේ සඳහන් වෙන්නේ “drop of mingled sperm” කියල. ඒ කියන්නේ මිශ්‍ර කරන ලද ශුක්‍රාණු බින්දුවකින් කියල. මෙතන ඩිම්බයක් ගැන කියන්නෙවත් නෑ. ඒ වගේම මිනිසා ඇතිවෙන්නේ ශුකාණු මිශ්‍රණයකින් කියන එකත් වැරදියි. එක යුක්තාණුවකට අවශ්‍ය වෙන්නේ එක් ශ්ක්‍රාණුවක් පමණයි. ඒ නිසා යූසුෆ් අලී අනුව බැලුවොත් අබු අර්ශද් වැරදියි. කුරාණයේ 76.002 සුරාතය නවීන විද්‍යාවට පටහැණියි. පික්තාල් 76.002 අර්ථ දක්වන්නේ “drop of thickened fluid” විදියට. ඒ කියන්නේ ගැන තරල බින්දුවකින් විදියට. මෙතන ඩිම්බ හෝ ශුක්‍රාණු කතාවක් ඇත්තේම නෑ. ශකීර් මේ පාඨය පරිවර්තනය කරන්නේ “life-germ uniting” විදියට. එනම් කුඩා ජීවාණුක එකතුවකින් කියල. මෙතෙන්දි ශකීර් යොදන්නෙ “life-germ” මිසක් “life-germs” නෙමෙයි. ඒ හින්දා ඒකෙනුත් පැහැදිලියි බීජාණු වර්ග දෙකක් ගැන 76.002 නොකියවෙන බව. තවත් කුරාණ පරිවර්තනයක සඳහන් වෙන්නේ “sperm-drop mixture” එනම්, ශුක්‍රාණු බින්දු මිශ්‍රණයකින් කියල. (වෙනස් පිරිමින්ගේ ඒවද දන්නේත් නෑ නේද?). මෙතෙන්දිත් ඩිම්බයක් ගැන සඳහනක් නෑ. ඒ නිසා අබු අර්ශද් විසින් ගෙන එන “බීජ මිශ්‍රණය” යන කථාව ඔහු හෝ සිංහල කුරාණ පරිවර්තකයා විසින් අතින් දමාපු එකක් බව අමුතුවෙන් කියන්න ඕන නැහැනේ?

අපි කලින් කතා කරපු සුරාතය දිහා බලද්දී පෙනෙන වැදගත් කාරණය තමයි දරුවකු බිහි වීම උදෙසා මවගෙන් වන දායකත්වය කුරාණය විසින් තීරණාත්මක ලෙස් අඩු ලංසුවකට පත් කිරීම. ඉස්ලාම් ආගමේ කාන්තාවට දවන පහත් සැලකිලි වල විදියට ඒ ගැන පුදුම වෙන්න දෙයකුත් ඇත්තෙ නෑ. නවීන විද්‍යාතමකව බැලුවොත් යුක්තාණුවක සංයුතියට වැඩිපුරම වග කියන්නේ ඩිම්බය. ප්‍රවේණි ද්‍රව්‍ය ගත්තත් තත්වය එහෙමයි. මිනිසා ගේ සෛයලක න්‍යෂ්තියේ වර්ණ දේශ කට්ටල 23ක් තියෙනවා. මින් කට්ටල 22ක්, අලිංගික වර්ණදේහ. එකක් මවගෙන් හා අනෙක පියාගෙන්. ගැහැණු දරුවකු නම් අනික් කට්ටයල X වර්ණදේහ කට්ටලයක්. පිරිමි දරුවෙකු නම් X‍Y ලෙස වර්ණදේහ යුගලය පිහිටනවා. Y වර්ණදේහය කියන්නේ ඉතාම කුඩා දුර්වල වර්ණදේහයක්. එහි පවතින්නේ පිරිමි බවට පත්වීමට අවශ්‍ය වර්ණදේහ සුළු ප්‍රමාණයක් පමණයි. X වර්ණදේහය හා සංසන්දනය කරද්දී එය කේත සපයන (coding) ජාන ගණන X වර්ණදේහයෙන් 20-25% අතර වෙනවා. අනික් දේ තමයි ජිවයට අවශ්‍යම ජාන පිහිටන්නේ X වර්ණදේහයේ වීම. එක X වර්ණ දේහයක් පමණක් පිහිටන, Y වර්ණදේහයක් නොමැති, ටර්නර් සහලක්ෂණය (Turner Syndrome) සහිත දරුවන් (XO) ජීවත් වුවත්, එක් Y වර්ණදෙයක් පමණක් ඇති, X වර්ණදේහ නොපිහිටන යුක්තාණු (YO) ජීවත් වෙන්නේ නෑ (92.5 රූපය බලන්න). ඒවා ගබ්සා වෙන්නේ බොහොම ඉක්මණට. මේ අනුව පිරිමි දරුවකු සතු ජාන වලින් 51% පමණ සැපයෙන්නේ මවගෙන්. පියා දායක වන්නේ 49% පමණයි. ගැහැණු දරුවකුගේ මෙය 50%-50% වෙනවා. සෛලයක ප්‍රවේණි ද්‍රව්‍ය තියෙන්නේ න්‍යෂ්ටියේ විතරක්ම නෙවෙයි. මයිටොකොන්ඩ්‍රියා (mitochondria) නම් ශවසන උපාංග වලත් ඒවා තියෙනවා. සෛලයක මයිටොකොන්ඩ්‍රියා 100-5000ක් පමණ තිබෙනවා. යුක්තාණුවට මයිටොකොන්ඩ්‍රියා සියල්ලම ලැබෙන්නේ මවගෙන් පමණයි. ඒ අනුව දරුවෙකුගේ ප්‍රවේණි ද්‍රව්‍ය වලින් වැඩි කොටස ලැබෙන්නේ මවගෙන් බව පැහැදිලි ඇති. නමුත් කුරාණය මේ කාරනය සම්පූර්ණයෙන්ම බැහැර කරලා, මවගේ කාර්යය බීජ පැල කිරීමට අවශ්‍ය කෙතක් පමණක් යන තත්වයට පත් කරලා තියෙනවා. දරු උපත ගැනත් කුරානයේ තියෙන ඊනියා කාන්තා නිදහස ඔන්න ඔහොමයි.

අබු අර්ශද් ප්‍රෝඩාව තවදුරටත් ගෙනයන්නේ 53.045-046 යන සුරාත් වලින්.

YUSUFALI: That He did create in pairs,- male and female,From a seed when lodged (in its place);
PICKTHAL: And that He createth the two spouses, the male and the female, From a drop (of seed) when it is poured forth;
SHAKIR: And that He created pairs, the male and the female, From the small seed when it is adapted (source)
And that He creates the two mates – the male and female, from a sperm-drop when it is emitted (source)

මේ පරිවර්තන හතරෙන්ම කියන්නේ ශුක්‍රාණු හෝ ජීවාණුක බින්දුවකින් ස්ත්‍රී පුරුෂ දෙපක්ෂයම මවන ලද බවයි. මේ සුරාතයෙන් ස්ත්‍රී-පුරුෂ ජීවාණු ගැන මොනම ආකාරයකින් වත් කියවෙන්නේ නෑ. 53 වන පරිච්ඡේදය පුරාන කියවෙන්නෙ අල්ලා ගේ මැවීම ගැන මිසක් දරු උපතක් ගැන නම් නෙවෙයි. ඒ වගේම ඉහත සුරාත් වල සඳහන් වන්නේ ස්ත්‍රී හා පුරුෂ (male and female) කියල මිසක් ස්ත්‍රී හෝ පුරුෂ බීජාණු කියල නෙමෙයි! අබු අර්ශද් කරන්නේ කොච්චර ප්‍රෝඩාවක්ද කියල දැන් පැහැදිලි වෙනවා ඇති.

Advertisements
This entry was posted in ඉස්ලාම් and tagged , , , , , , , , , , . Bookmark the permalink.

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )